அமெரட்: ஆசிய கோப்பை டி20 தொடருக்கான தகுதிச் சுற்று போட்டியில், ஹாங்காங் அணி 8 ரன் வித்தியாசத்தில் சிங்கப்பூர் அணியை போராடி வென்றது. ஒமான், அல் அமரெட் கிரிக்கெட் அரங்கில் நேற்று நடந்த இப்போட்டியில் டாஸ் வென்ற சிங்கப்பூர் முதலில் பந்துவீசியது. ஹாங்காங் அணி 20 ஓவர் முடிவில் 9 விக்கெட் இழப்புக்கு 148 ரன் குவித்தது. கின்சிட் ஷா அதிகபட்சமாக 34 ரன் விளாசினார். ஹரூன் அர்ஷத் 27*, யாசிம் முர்டசா 26, ஜீஷன் அலி 20 ரன் எடுத்தனர். ஹாங்காங் அணிக்கு உதிரியாக மட்டுமே 15 ரன் கிடைத்தது குறிப்பிடத்தக்கது. சிங்கப்பூர் பந்துவீச்சில் அம்ஜத், பிரகாஷ், அக்ஷய் தலா 2, சுனில், வினோத் பாஸ்கரன் தலா 1 விக்கெட் வீழ்த்தினர்.