புதுடெல்லி: காந்திக்கு விருப்பமான ‘அபைட் வித் மீ’ என்ற பாடலை குடியரசு தின இசை பட்டியலில் இருந்து ஒன்றிய அரசு நீக்கியுள்ளது.ஒவ்வொரு ஆண்டும் டெல்லி ராஜபாதையில் கோலாகலமாக நடைபெறும் குடியரசு தின விழாவில் ராணுவத்தின் முப்படை வீரர்களின் அணிவகுப்பு நடக்கும். பின்னர், 3வது நாளில் இப்படை பிரிவுகள் பாசறைக்கு திரும்பும் நிகழ்ச்சி 29ம் தேதி நடக்கும். ஜனாதிபதி மாளிகை அருகே இது நடக்கும். அப்போது, முப்படைகளையும் சேர்ந்த இசைக்குழு, மகாத்மா காந்திக்கு விருப்பான, ‘அபைட் வித் மீ’ என்ற பாடலையும் இசைக்கும்.