அகமதாபாத்: சூரத் நகரின் ரிங்க் ரோட்டில் உள்ள டேஸ்ட் ஆப் இந்தியா என்ற ஹோட்டல் உணவுத் திருவிழாவை நேற்று தொடங்கியது. 22- ஆம் தேதி வரை இந்த உணவு திருவிழா நடைபெறும் என்று மிகப்பெரிய அளவில் பதாகை கட்டப்பட்டு இருந்தது. பாகிஸ்தானிய உணவு திருவிழா என்ற பெயரில் அறிமுகப்படுத்தப்பட்ட இந்த நிகழ்ச்சிக்கு RSS அமைப்பின் துணை அமைப்பான பஜ்ரங் தள் அமைப்பினர் கடும் எதிர்ப்பு தெரிவித்தனர். சம்பவ இடத்திற்க்கு வந்தவர்கள் அந்த ஹோட்டலுக்கு எதிராக முழக்கமிட்டனர். பதாகையை கழற்றிய அவர்கள் சாலையில் வைத்து தீ வைத்து கொளுத்தினர்.