கோவா: இந்திய கால்பந்து போட்டிகளில் முக்கியமான இடத்தை இந்தியன் சூப்பர் லீக்(ஐஎஸ்எல்) கால்பந்து தொடர் பிடித்துள்ளது. இதுவரை 7 தொடர்கள் முடிந்துள்ளன. நாடு முழுவதும் நடந்து வந்த ஐஎஸ்எல் கால்பந்து ஆட்டங்கள் கடந்த ஆண்டு கொரோனா பீதி காரணமாக கோவாவில் மட்டும் நடத்தப்பட்டன. கூடவே ஆட்டங்கள் ரசிகர்கள் இல்லாமல் பூட்டிய அரங்கங்களில் நடந்தன. இந்த ஆண்டும் ஐஎஸ்எல் தொடர் கோவாவில் மட்டும் நடைபெறும். அங்குள்ள 3 அரங்கங்களில் நடைபெறும் ஆட்டங்களை காண ரசிகர்களுக்கு அனுமதி இல்லை. இன்று இரவு தொடங்கும் முதல் ஆட்டத்தில் 3முறை சாம்பியன் ஏடிகே மோகன் பகான்-கேரளா பிளாஸ்டர்ஸ் எப்சி அணிகள் மோதுகின்றன. நடப்பு சாம்பியன் மும்பை சிட்டி எப்சி தனது முதல் ஆட்டத்தில் நவ.22ம் தேதி எப்சி கோவாவை எதிர்கொள்கிறது.