புதுடெல்லி: மனைவி சுனந்தா புஷ்கர் மரணம் தொடர்பான வழக்கில் இருந்து காங்கிரஸ் எம்பி சசிதரூரை விடுவித்து டெல்லி சிறப்பு நீதிமன்றம் தீர்ப்பளித்துள்ளது. காங்கிரஸ் கட்சியைச் சேர்ந்தவரும் திருவனந்தபுரம் எம்.பி.யுமான சசிதரூரின் மனைவி சுனந்தா புஷ்கர், டெல்லி சாணக்யபுரியில் உள்ள நட்சத்திர ஓட்டலில் கடந்த 2014ம் ஆண்டு, ஜனவரி 17ம் தேதி மர்மமான முறையில் இறந்து கிடந்தார். அவரை சசிதரூர் தான் கொலை செய்தார் என்று குற்றம் சாட்டப்பட்டது. இதையடுத்து, இந்திய தண்டனைச் சட்டம் 498ஏ, 306 ஆகிய பிரிவுகளின் கீழ் டெல்லி காவல்துறையினர் வழக்குப் பதிவு செய்து விசாரணை நடத்தினர். இந்த வழக்கை விசாரித்து வந்த டெல்லி சிறப்பு நீதிமன்றம், தீர்ப்பை தேதி குறிப்பிடாமல் கடந்த ஏப்ரல் 12ம் தேதி ஒத்திவைத்தது.