போச்சம்பள்ளி: போச்சம்பள்ளி அருகே பொன்னியம்மன் சிலை மீது நாகப்பாம்பு படமெடுத்தாடியது. இங்கு பக்தர்கள் சிறப்பு பூஜை செய்தனர். கிருஷ்ணகிரி மாவட்டம் போச்சம்பள்ளி அடுத்துள்ள வேலம்பட்டியில் வேங்கானூர் செல்லும் சாலையில் பொன்னியம்மன் கோயில் உள்ளது. இந்த கோயில் கடந்த ஒரு வருடத்திற்கு முன்பு கட்டப்பட்டது. இங்கு செவ்வாய், வெள்ளிக்கிழமைகளில் சிறப்பு பூஜைகள் நடைபெறுவது வழக்கம். இந்த நிலையில் நேற்று மாலை பொன்னியம்மன் சுவாமி சிலை மீது நாகப்பாம்பு ஒன்று படமெடுத்தாடியது.