குற்றம் ராமநாதபுரம் மாவட்டம் கமுதி அருகே அதானி சோலார் மின் உற்பத்தி நிலையத்தில் காப்பர் வயர் திருட்டு!: 2 பேர் கைது..ரூ.2.50 லட்சம் பறிமுதல்..!! Jun 24, 2021 அதானி சூரிய மின் உற்பத்தி நிலையம் கமுதி, இராமநாதபுரம் மாவட்டம் ராமநாதபுரம்: ராமநாதபுரம் மாவட்டம் கமுதி அருகே அதானி சோலார் மின் உற்பத்தி நிலையத்தில் காப்பர் வயரை திருடியதாக 2 பேரை கைது செய்துள்ள போலீசார், அவர்களிடம் இருந்து இரண்டரை லட்சம் ரூபாய் பணம் மற்றும் டிராக்டர், இருசக்கர வாகனத்தை பறிமுதல் செய்துள்ளனர். கமுதி அருகே சிங்கப்படை, தாதா குளம், இடையன்குளம், புதுக்கோட்டை, சேந்தனேந்தல் ஆகிய பகுதியில் 6,500 ஏக்கரில் அதானி சோலார் மின் திட்டம் 648 மெகாவாட் சூரியஒளி மின் உற்பத்தி நிலையம் அமைந்துள்ளது. இந்த மின் உற்பத்தி நிலையத்தில் கடந்த 16ம் தேதி ஒன்றரை லட்சம் மதிப்புள்ள 9000 மீட்டர் காப்பர் வயர் திருடுபோனது தெரியவந்தது. இது தொடர்பாக சோலார் மின் உற்பத்தி நிர்வாகம் கோவிலாங்குளம் காவல்நிலையத்தில் அளித்த புகாரின் பேரில் போலீசார் 4 பேர் மீது வழக்குப்பதிவு செய்து விசாரணை நடத்தி வந்தனர். இந்த நிலையில் தொட்டியாபட்டியை சேர்ந்த செந்தூர் முருகன், வேல் முருகன் ஆகிய 2 பேரை கோவிலாங்குளம் போலீசார் கைது செய்துள்ளனர். மேலும் வேல்முருகன், ராமசந்திரன் ஆகிய 2 பேரை போலீசார் தேடி வருகின்றனர். கைது செய்யப்பட்டவரிடம் இருந்து 2 லட்சத்து 52 ஆயிரத்து 500 ரூபாய் பணம், திருட்டுக்கு பயன்படுத்தப்பட்ட டிராக்டர் மற்றும் இருசக்கர வாகனத்தை பறிமுதல் செய்தனர்.
கம்போடியாவில் இருந்து சென்னைக்கு கடத்திய ரூ.35 கோடி மதிப்புடைய கொக்கைன் பறிமுதல்: விமான நிலையத்தில் பரபரப்பு
முதுமலை புலிகள் காப்பகத்தின் பெயரில் போலி இணையதளம் தொடங்கி மோசடி: சுற்றுலா பயணிகளிடம் பல லட்சம் சுருட்டிய வடமாநில கும்பல்
சேலத்தில் வெயிலின் கொடுமையை உணர்த்த தியாகிகள் நினைவு சின்னத்தில் ஆப்பாயில் போட்ட சமூக ஆர்வலர்: தூக்கிச் சென்ற போலீஸ்
திருவேங்கடம் அருகே நேற்றிரவு பயங்கரம்; மனைவியை உலக்கையால் அடித்துக் கொன்ற கணவர்: போலீசுக்கு பயந்து தானும் விஷம் குடித்து தற்கொலை
மதுரை ரயில் நிலையத்தில் தாயுடன் தூங்கிய 6 மாத பெண் குழந்தையை கடத்திய 2 பெண்கள் 24 மணி நேரத்தில் கைது..!!
கம்போடியாவில் இருந்து மலேசியா வழியாக சென்னைக்கு கடத்தப்பட்ட ரூ.35 கோடி மதிப்பிலான போதைப்பொருள் பறிமுதல்..!!