பெரம்பூர்: மாவா தகராறில் வாலிபரை கத்தியால் குத்திய வழக்கில் பெண் உள்பட மூவரை போலீசார் கைது செய்தனர். சென்னை புளியந்தோப்பு வஉசி நகர் 7வது தெருவை சேர்ந்தவர் பாலு. இவரது மகன் சரவணன் (21). இவர், நேற்று முன்தினம் இரவு புளியந்தோப்பு ஆடுதொட்டி ஜேஜே.நகர் பின்புறம் உள்ள கடையில் சிகரெட் வாங்குவதற்காக நண்பருடன் நடந்துசென்றபோது அதே பகுதியை சேர்ந்த பரத் மற்றும் அவரது நண்பர்களிடம் சரவணன் மாவா கேட்டுள்ளார். அதற்கு அவர்கள் இல்லை என்று கூறியதால் இருதரப்பு இடையே கடும் வாக்குவாதம் ஏற்பட்டுள்ளது. இதனால் ஆத்திரம் அடைந்த பரத் மற்றும் அவரது நண்பர்கள் 5 பேரும் சேர்ந்து சரவணனை சரமாரியாக கத்தியால் குத்திவிட்டு ஓடிவிட்டனர்.