சிவகாசி: விருதுநகர் மாவட்டம், சிவகாசியில் 1,070 பட்டாசு ஆலைகள் இயங்கி வருகின்றன. நேரடியாக 3 லட்சம், உப தொழில்கள் மூலம் 5 லட்சம் என 8 லட்சம் தொழிலாளர்களும் பணியாற்றி வருகின்றனர். கொரோனா வைரஸ் 2வது அலை வேகமாகப் பரவி வருவதால் வரும் 24ம் தேதி வரை முழு ஊரடங்கு அமல்படுத்தப்பட்டுள்ளது. இதனால் தமிழக அரசுக்கு முழு ஒத்துழைப்பு வழங்கும் வகையில் சிவகாசி, விருதுநகர், சாத்தூர், வெம்பக்கோட்டை பகுதியில் உள்ள 1,070 பட்டாசு ஆலைகள் நேற்று முதல் மூடப்பட்டுள்ளன.