கண்டி: இலங்கை - வங்கதேச அணிகள் மோதும் 2வது மற்றும் கடைசி டெஸ்ட் போட்டி, பல்லெகெலே சர்வதேச கிரிக்கெட் ஸ்டேடியத்தில் இன்று காலை 10.00 மணிக்கு தொடங்குகிறது. இலங்கையில் சுற்றுப்பயணம் மேற்கொண்டுள்ள வங்கதேச அணி 2 போட்டிகள் கொண்ட டெஸ்ட் தொடரில் விளையாடுகிறது. பல்லெகெலேவில் நடந்த முதல் டெஸ்ட் போட்டி எத்தரப்புக்கும் வெற்றி, தோல்வியின்றி டிராவில் முடிந்தது. அந்த போட்டியின் முதல் இன்னிங்சில் வங்கதேசம் 7 விக்கெட் இழப்புக்கு 541 ரன் குவித்து டிக்ளேர் செய்தது. தமிம் 90, நஜ்முல் 163, மோமினுல் 127, தாஸ் 50, முஷ்பிகுர் 68* ரன் விளாசினர்.