மும்பை: ஐபிஎல் கிரிக்கெட்டில் இன்று இரவு 7.30மணிக்கு மும்பை வான்கடே மைதானத்தில் நடக்கும் 18வது லீக் போட்டியில், கொல்கத்தா நைட் ரைடர்ஸ்-ராஜஸ்தான் ராயல்ஸ் அணிகள் மோதுகின்றன. ராஜஸ்தான் முதல் போட்டியில் பஞ்சாப்பிடம் 4 ரன்னில் தோற்ற நிலையில், 2வதுபோட்டியில் டெல்லியை சாய்த்தது. 3வது போட்டியில் சென்னையிடம் 45 ரன் வித்தியாசத்திலும் கடைசி போட்டியில் பெங்களூருவிடம் 10 விக்கெட் வித்தியாசத்திலும் படுதோல்வி அடைந்தது. பேட்டிங்கில் கேப்டன் சஞ்சு சாம்சன், ஜோஸ் பட்லரையே பெரிதும் நம்பி உள்ளது. இவர்கள் நின்றால் தான் பெரிய ஸ்கோரை அடிக்க முடியும். பெரிதும் எதிர்பார்க்கப்பட்ட டேவிட் மில்லர் தடுமாறி வருகிறார். அதிக தொகைக்கு ஏலம் எடுக்கப்பட்ட கிறிஸ் மோரீஸ் ஆட்டம் ஏமாற்றம் அளிப்பதாக உள்ளது.