மேட்டூர்: மேட்டூர் சட்டமன்ற தொகுதியில், திமுக சார்பில் போட்டியிடும் மேச்சேரி ஒன்றிய திமுக பொறுப்பாளர் சீனிவாசபெருமாள், நேற்று கொளத்தூர் ஒன்றியத்தில் தீவிர வாக்கு சேகரிப்பில் ஈடுபட்டார். தின்னப்பட்டி ஊராட்சி, மூலக்காடு ஊராட்சி, சேத்துக்குளி, புதுவேலை, மங்கலம் உட்பட 32 கிராமங்களில் கூட்டணி கட்சி நிர்வாகிகளுடன் சென்று வாக்கு சேகரிப்பில் ஈடுபட்டார். இந்த ஊராட்சிகளை சேர்ந்த மக்கள், குடிநீர் பற்றாக்குறை நிலவுவதாக புகார் தெரிவித்தனர். நான் வெற்றி பெற்றவுடன் குடிநீர் பற்றாக்குறையை முழுமையாகப் போக்க உரிய நடவடிக்கை எடுப்பேன் என்றார்.