கோவா: கோவாவில் நடந்து வரும் 7வது இந்தியன் சூப்பர் லீக் கால்பந்து தொடரில், அரையிறுதி 2வது சுற்றில் நேற்று நடந்த போட்டியில் கவுகாத்தி-கொல்கத்தா அணிகள் மோதின. விறுவிறுப்புடன் தொடங்கிய இந்த போட்டியில் கொல்கத்தா ஆதிக்கம் செலுத்தியது. ஆட்டத்தின் 38வது நிமிடத்தில் கொல்கத்தாவின் டேவிட் வில்லியம்ஸ் கோல் அடித்து முன்னிலை ஏற்படுத்தினார். 2வது பாதியில் ஆட்டத்தின் 68வது நிமிடத்தில் மன்வீர்சிங் கோல் அடிக்க 2-0 என கொல்கத்தா முன்னிலை பெற்றது. பதில் கோல் அடிக்க கவுகாத்தி வீரர்கள் கடுமையாக போராடினர். 74வது நிமிடத்தில், அந்த அணியின் சுகைர் தலையால் முட்டி கோல் அடித்தார்.