சென்னை: அச்சிறுப்பாக்கம் அடுத்த ஆத்தூர் சுங்கச்சாவடியில் காரில் வந்த தேமுதிகவினரிடம் பாஸ்டேக் கேட்டதால் ஆத்திரமடைந்த அவர்கள், சுங்கச்சாவடி பூத்களை அடித்து உடைத்தனர். இதுதொடர்பாக போலீசார், 3 பேரை கைது செய்தனர்.

அச்சிறுப்பாக்கம் அடுத்த ஆத்தூர் சுங்கச்சாவடியில் நேற்று மாலை  தேமுதிகவை சேர்ந்தவர்கள், திண்டிவனத்தில் இருந்து சென்னை நோக்கி 2 கார்களில் சென்றனர். ஆத்தூர் சுங்கச்சாவடியில் சென்றபோது, தேமுதிகவினரிடம் சுங்கச்சாவடி ஊழியர்கள் பாஸ்டேக் கேட்டுள்ளனர். அப்போது, சுங்கச்சாவடி ஊழியர்களுக்கும், காரில் வந்த தேமுதிகவினருக்கும் இடையே வாய்த்தகராறு ஏற்பட்டது. இதில் ஆத்திரடைந்த தேமுதிகவினர், காரில் இருந்து இறங்கி 9 மற்றும் 10ம் எண் வழித்தடத்தில் இருந்த பூத்களை கட்டைகளால் அடித்து உடைத்தனர். தகவலறிந்து அச்சிறுப்பாக்கம் போலீசார் சம்பவ இடத்துக்கு சென்று அப்பு (26), மதன் (25), வேந்தன் (27) ஆகியோரை கைது செய்தனர். மற்றவர்கள் தப்பிவிட்டனர். பிடிபட்டவர்களிடம், போலீசார் தொடர்ந்து விசாரிக்கின்றனர்.