பாபநாசம்: பாபநாசம் அருகே குண்டும் குழியுமான சாலை தினகரன் செய்தி எதிரொலியால் சீரமைக்கப்பட்டு வருகிறது. கும்பகோணம் - தஞ்சாவூர் மெயின் சாலை தமிழகத்தின் முக்கிய நெடுஞ்சாலைகளுள் ஒன்றாகும். இச்சாலையில் தினமும் ஏராளமான வாகனங்கள் சென்று வருகின்றன. ஏற்கனவே பழுதான இச்சாலை சமீபத்தில் பெய்த தொடர் மழையால் மேலும் குண்டும், குழியுமாகி பல்லாங்குழி சாலையானது. இதனால் இச்சாலையில் செல்லும் வாகன ஓட்டிகள் உள்பட சிரமத்திற்கு ஆளாகி வருகின்றனர்.