திருக்கழுக்குன்றம்: தனியார் ஆடை ஏற்றுமதி நிறுவன ஊழியர்களுக்கு கொரோனா ஏற்பட்டுள்ளதால், நிறுவனங்களை மூட வேண்டும் என வலியுறுத்தப்படுகிறது. திருக்கழுக்குன்றம் மார்க்கெட் மற்றும் பஸ் நிலையம் அருகே, 2 தனியார் ஆடை ஏற்றுமதி நிறுவனங்கள் உள்ளன. இங்கு, திருக்கழுக்குன்றம் உள்பட சுற்றுப்புற கிராமங்களை சேர்ந்த 500க்கும் மேற்பட்டோர் வேலை செய்கின்றனர். கடந்த சில நாட்களாக, இந்த நிறுவனங்களில் வேலை பார்க்கும் ஊழியர்கள் பலருக்கு, கொரோனா ஏற்பட்டுள்ளது. இதனால், அங்கு பணியாற்றியவர்களுக்கு கடந்த 2 நாட்களுக்கு முன் கொரோனா பரிசோதனை மேற்கொள்ளப்பட்டது. அதில், 32 பேருக்கு தொற்று உறுதியானதாக கூறப்படுகிறது.