ரேணிகுண்டா: கோயம்பத்தூரில் இருந்து வந்த ஜெயந்தி எக்ஸ்பிரஸ் ரயிலில் கடந்த மாதம் 11ம் தேதி பாகாலா ரயில் நிலையம் வந்த தங்க வியாபாரி முகுந்தராஜ் என்பவரிடம் போலீசார் உடையில் சோதனையிட்ட இருவர் கள்ளத்தனமாக தங்கம் வியாபாரம் செய்வதாக கூறி மிரட்டியுள்ளனர். மேலும் இதனை தொடர்ந்து ரயிலில் இருந்து அவரை கீழே இறக்கி ரயில்வே காலனிக்கு அழித்து சென்ற அவர்கள் முகுந்தராஜிடம் இருந்து சுமார் 1 கிலோ 80 கிராம் தங்க நகைகளை பறித்துக்கொண்டனர். இதை தொடர்ந்து உரிய ஆவணங்கள் எடுத்து வந்து சித்தூர் முதலாவது காவல் நிலையத்தில் பெற்றுக் கொள்ளுமாறு கூறிவிட்டு அவர்கள் சென்றுவிட்டனர். இதையடுத்து சித்தூர் காவல் நிலையத்திற்கு சென்று முகுந்தன் விசாரித்தபோது தாம் ஏமாற்றப்பட்டதை உணர்ந்தார்.