புதுடெல்லி: அமெரிக்காவில் சிகிச்சை பெற்று திரும்பிய அருண் ஜெட்லி, மத்திய நிதியமைச்சராக நேற்று மீண்டும் பொறுப்பேற்றார். மத்திய நிதியமைச்சராக பதவி வகித்து வந்த அருண் ஜெட்லிக்கு கடந்தாண்டு மே 14ம் தேதி சிறுநீரக மாற்று அறுவை சிகிச்சை செய்யப்பட்டது. இதனால் அவர் வகித்து வந்த பதவி, கடந்தாண்டு ஏப்ரல் முதல் ஆகஸ்ட் 23ம் தேதி வரை ரயில்வே அமைச்சர் பியூஷ் கோயலிடம் ஒப்படைக்கப்பட்டது. இந்நிலையில், ஜெட்லிக்கு மீண்டும் உடல் நலம் பாதிக்கப்பட்டதால், சிகிச்சைக்காக கடந்த மாதம் 13ம் தேதி அமெரிக்கா சென்றார். இதனால், அவர் வகித்து வந்த நிதியமைச்சர் பொறுப்பு, கோயலிடம் மீண்டும் ஒப்படைக்கப்பட்டது. அவர் இந்த மாதம் 1ம் தேதி மத்திய பட்ஜெட்டை தாக்கல் செய்தார்.