ராமேஸ்வரம்: பாம்பன் மீனவர் வலையில் அரிதாக சிக்கிய மணி சிங்கி இறால் ஆயிரக்கணக்கில் விலை போனது. ராமநாதபுரம் மாவட்டம், பாம்பனில் இருந்து நேற்று முன்தினம் நூற்றுக்கும் மேற்பட்ட விசைப்படகுகளில் மீனவர்கள் கடலுக்கு மீன் பிடிக்க சென்றனர். இரவு முழுவதும் மீன் பிடித்து விட்டு நேற்று கரை திரும்பிய படகுகளில் விலைமீன், பாரை மீன் உள்ளிட்ட பலவகை மீன்கள் அதிகளவில் இருந்தது. மீனவர் ஒருவரின் படகில் அரிதாக கிடைக்கும் 2 கிலோ எடையுள்ள மணி சிங்கி இறால் உயிருடன் இருந்தது. மீன்கள் அனைத்தையும் மீனவர்கள் படகில் இருந்து கூடைகளில் கொண்டு வந்து கடற்கரையில் விற்பனைக்கு அடுக்கி வைத்தனர். வியாபாரிகள் மீன்களை அதிகளவில் விலைக்கு வாங்கி சென்றனர்.