காவேரிப்பட்டணம்: காவேரிப்பட்டணம் சட்டமன்ற தொகுதி திமுக முன்னாள் எம்எல்ஏவும், முன்னாள் மாவட்ட அவைத்தலைவருமான வெங்கடேசன்(72) உடல்நலக்குறைவால் கடந்த ஒரு மாதமாக சேலத்தில் உள்ள தனியார் மருத்துவமனையில் அனுமதிக்கபட்டிருந்தார். நேற்று அதிகாலை அவர் மரணமடைந்தார். இவர் 1996 -2001ம் ஆண்டு காவேரிபட்டணம் தொகுதியின் சட்டமன்ற உறுப்பினராக இருந்தார். இவரது தந்தை ராமுலு நாயுடு கிருஷ்ணகிரி சட்டமன்ற உறுப்பினராக இருந்தவர். மறைந்த வெங்கடேசன் உடலுக்கு திமுக கிழக்கு மாவட்ட பொறுப்பாளர் செங்குட்டுவன் எம்எல்ஏ உள்ளிட்ட திமுகவைச் சேர்ந்த நிர்வாகிகள், தொண்டர்கள், பொதுமக்கள் ஏராளமானோர் அஞ்சலி செலுத்தினர். வெங்கடேசன் உடல் அடக்கம் இன்று மாலை நடைபெறுகிறது.