திருவள்ளூர்: 108 திவ்ய தேசங்களில் ஒன்றான திருவள்ளூர் வைத்திய வீரராகவ பெருமாள் கோயிலில் இருந்து வைத்திய வீரராகவ பெருமாள் ஆண்டுதோறும் புட்லூர் கிராமத்திற்கு விஜயம் செய்வது வழக்கம். இது திருவூரல் மகோத்சவம் என்று அழைக்கப்படுகிறது.இந்த ஆண்டுக்கான திருவூரல் மகோத்சவம் நாளை(20ம் தேதி) நடைபெறுகிறது. இதையொட்டி, நாளை வீரராகவர் பெருமாள் கோயிலில் இருந்து உற்சவர் பெருமாள் விடியற்காலை 5 மணிக்கு புட்லூர் புறப்படுகிறார்.பின்னர் அங்கு மதியம் 1 மணிக்கு திருமஞ்சனம் நடைபெற உள்ளது.இதனைத்தொடர்ந்து இரவு 9:30 மணிக்கு புட்லூர் கிராமத்தில் திருவீதி புறப்பாடும் நடைபெற உள்ளது. பின்னர் நாளை மறுநாள்(21ம் தேதி) அதிகாலை 2 மணியளவில் புட்லூரில் இருந்து பெருமாள் திருவள்ளூர் கோயிலுக்கு திரும்புவார். இதற்கான ஏற்பாடுகளை திருவள்ளூர் வைத்திய வீரராகவர் பெருமாள் கோயில் கவுரவ ஏஜென்ட் சி.சி.சம்பத், மக்கள் தொடர்பு அலுவலர் எஸ்.சம்பத் மற்றும் கோயில் நிர்வாகத்தினர் செய்து வருகின்றனர்….

The post திருவூரல் மகோத்சவத்தையொட்டி ஸ்ரீவைத்திய வீரராகவ பெருமாள் புட்லூர் கிராமத்திற்கு விஜயம் appeared first on Dinakaran.