இந்த நிலையில், ஆன்லைன் டிரேடிங் பிசினஸ் செய்தால் வங்கியில் கடன் பெற்று அதன் மூலம் உங்களது கடனை அடைக்கலாம் என சதீஷ் கூறியுள்ளார். இதன்பிறகு கோடம்பாக்கத்தை சேர்ந்த லோன் ஏஜென்ட் சதீஷ்குமார் என்பவரை அணுகிய ஜமுனா, தனது வீட்டின் ஆவணங்களை வைத்து தனியார் வங்கி மூலம் 7 லட்சம் ரூபாய் கடனை அடைத்துள்ளார். இதன்பிறகு ஜமுனாவின் ஆவணங்களை பயன்படுத்தி 5க்கும் மேற்பட்ட தனியார் வங்கிகளில் சுமார் 65 லட்சத்து 50 ஆயிரம் ரூபாய் வரை கடன் வாங்கியுள்ளனர். அப்போது இந்தப் பணம் அனைத்தும் ஜமுனா வங்கி கணக்கில் வந்துள்ளது. இதன்பிறகு ஹரிஷ், சதீஷ் மற்றும் சதீஷ்குமார் ஆகியோர் அந்த பணத்தை ஜமுனா மூலம் வெவ்வேறு நபர்களுக்கு மாற்றியுள்ளனர்.
மேலும் வாங்கிய பணத்தில் ஜமுனாவுக்கு 5 லட்சம் ரூபாய் கொடுத்துள்ளனர். இதன்பிறகு கடன் வாங்கிய 9 வங்கி கணக்குகளில் சுமார் 11 லட்ச ரூபாய் பணத்தை வங்கியில் செலுத்தி உள்ளனர். இந்த நிலையில், கடந்த 2023 செப்டம்பர் மாதம் முதல் பணம் செலுத்தாமல் ஜமுனாவின் தொலைபேசியை எடுக்காமல் 3 பேரும் இருந்து வந்துள்ளனர். இதனால் ஏமாற்றப்பட்ட ஜமுனா, ‘’ஆன்லைன் டிரேடிங் என்ற பெயரில் வீட்டு ஆவணங்களை பல்வேறு வங்கிகளில் அடமானம் வைத்து மோசடி செய்து ஏமாற்றிய ஹரிஷ், சதீஷ் மற்றும் சதீஷ்குமார் ஆகியோர் மீது நடவடிக்கை எடுக்க வேண்டும்’’ என சென்னை மாநகர காவல் ஆணையரிடம் புகார் அளித்தார்.
இதுபற்றி ஓட்டேரி போலீசார் வழக்குபதிவு செய்து 3 பேர் மீதும் வழக்குபதிவு செய்து விசாரணை நடத்தி வருகின்றனர்.
The post ஆன்லைன் டிரேடிங் செய்யலாம் என்று கூறி பெண்ணிடம் வீட்டு பத்திரத்தை வாங்கி பல வங்கிகளில் 65 லட்ச ரூபாய் மோசடி: 3 பேர் மீது வழக்குபதிவு appeared first on Dinakaran.
