லக்னோ: மகளிர் பிரீமியர் லீக் (டபிள்யூபிஎல்) டி20 கிரிக்கெட் போட்டியில் நேற்று குஜராத் ஜெயன்ட்ஸ் அணிக்கு எதிராக டெல்லி கேபிடல்ஸ் மகளிர் அணி முதலில் பேட்டிங் செய்தது. துவக்க வீராங்கனைகளாக களமிறங்கிய கேப்டன் மெக் லேன்னிங், ஷெபாலி வர்மா அதிரடி ஆட்டத்தை அரங்கேற்றினர். 27 பந்தில் 40 ரன் குவித்து ஷெபாலி அவுட்டானார். பின் வந்த ஜெஸ் ஜோனாசென் 9, ஜெமிமா ரோட்ரிகஸ் 4, அன்னபெல் சதர்லேண்ட் 14 ரன்னில் வீழ்ந்தனர். மெக் லேனிங் 57 பந்துகளில் 92 ரன் குவித்து அவுட்டானார். 20 ஓவர் முடிவில் டெல்லி 5 விக்கெட் இழப்புக்கு 177 ரன் எடுத்திருந்தது. குஜராத் அணியின் மேக்னா சிங் 3, தியோந்திர தோட்டின் 2 விக்கெட் வீழ்த்தினர். அதைத் தொடர்ந்து, 178 ரன் வெற்றி இலக்குடன் குஜராத் ஆடத் தொடங்கியது.

The post மகளிர் பிரீமியர் லீக் டெல்லி 177 ரன் குவிப்பு: மெக் லேனிங் சரவெடி appeared first on Dinakaran.