மேடிசன்-ஸ்வியாடெக் நாளை நடைபெறும் 2வது அரையிறுதியில் விளையாட உள்ளனர். ஏற்கனவே கால் இறுதிகளில் வென்ற நடப்பு சாம்பியன் பெலாரசின் அரைனா சபலென்கா – ஸ்பெயின் வீராங்கனை பவுலா படோசா மற்றொரு அரையிறுதியில் மோதவுள்ளனர். ஆண்கள் ஒற்றையர் பிரிவு காலிறுதி போட்டி ஒன்றில் நேற்று அமெரிக்காவின் பென் ஷெல்டன், இத்தாலியின் லாரன்சோ ஸொனெகோ மோதினர். இந்த போட்டியில் 6-4, 7-5, 4-6, 7-6 என்ற செட் கணக்கில் வென்ற ஷெல்டன் அரையிறுதிக்கு தகுதி பெற்றார். கடைசியாக நடந்த மற்றொரு ஆண்கள் காலிறுதிப் போட்டியில் உலகின் நம்பர் 1 வீரரான இத்தாலியின் ஜேனிக் சின்னர், ஆஸ்திரேலிய வீரர் அலெக்ஸ் டி மினார் மோதினர். அற்புதமாக ஆடிய சின்னர் 6-3, 6-2, 6-1 என்ற செட் கணக்கில் வென்று அரை இறுதிக்குள் நுழைந்தார்.
* கலப்பு இரட்டையர் போட்டி ஒலிவியா- ஜான் பியர்ஸ் கலக்கல் வெற்றி: இறுதிச் சுற்றில் நுழைந்தனர்
ஆஸ்திரேலியா ஓபன் டென்னிஸில் நேற்று, கலப்பு இரட்டையர் பிரிவு அரை இறுதிப் போட்டியில் ஆஸ்திரேலியா வீராங்கனை ஒலிவியா கடெக்கி- சக வீரர் ஜான் பியர்ஸ் இணை, ஆஸ்திரேலியா வீராங்கனை எரின் ரூட்லிப்- சக நாட்டு வீரர் மைக்கேல் வீனஸ் இணையுடன் மோதியது. இந்த போட்டியில் சிறப்பாக ஆடிய ஒலிவியா இணை, 6-4, 6-4 என்ற நேர் செட் கணக்கில் வென்று இறுதிப் போட்டிக்கு தகுதி பெற்றது. மற்றொரு கலப்பு இரட்டையர் பிரிவு அரை இறுதியில் கிரேட் பிரிட்டன் வீராங்கனை ஒலிவியா நிகோல்ஸ்- சக நாட்டு வீரர் ஹென்றி பேட்டன் இணை, ஆஸி வீராங்கனை கிம்பர்லி பிரெல்- சக நாட்டு வீரர் ஜான் பேட்ரிக் ஸ்மித் இணையுடன் மோதியது. இந்த போட்டியில் ஆஸி இணை 7-6, 6-2 என்ற நேர் செட்களில் வென்று இறுதிப் போட்டிக்கு தகுதி பெற்றது.
The post ஆஸி ஓபன் அரையிறுதிக்கு தகுதி சின்னர் தி வின்னர்: இகா, மேடிசன், ஷெல்டன் அசத்தல் வெற்றி appeared first on Dinakaran.