பாலக்கோடு, ஜன. 3: பாலக்கோடு பாபுசாகிப் தெருவை சேர்ந்தவர் பழ வியாபாரி அன்சர். இவரது மனைவி சான்அசின் (54). இவருக்கு உடல்நிலை சரியில்லாததால், நேற்று காலை 8.30 மணிக்கு பாலக்கோடு அரசு மருத்துவமனைக்கு செல்வதற்காக, பைபாஸ் சாலையில் மருத்துவமனை நோக்கி நடந்து சென்று கொண்டிருந்தார். அரசு மகளிர் மேல்நிலைப்பள்ளி அருகே சென்றபோது, எதிரே வந்த டிப்பர் லாரி, சான்அசின் மீது பயங்கரமாக மோதியது. இதில் தூக்கி வீசப்பட்டு தலையில் பலத்த காயமடைந்தவர், சம்பவ இடத்திலேயே உயிரிழந்தார். இதுகுறித்த தகவல் அறிந்து சம்பவ இடத்துக்கு வந்த பாலக்கோடு போலீசார், சான் அசினின் உடலை மீட்டு, பிரேத பரிசோதனைக்காக பாலக்கோடு அரசு மருத்துவமனைக்கு அனுப்பி வைத்தனர். மேலும், விபத்து குறித்து வழக்கு பதிவு செய்து விசாரித்து வருகின்றனர்.

The post டிப்பர் லாரி மோதி பெண் பலி appeared first on Dinakaran.