நெல்லை, டிச. 28: வள்ளியூரில் வீட்டில் கட்டி இருந்த ரூ.10 ஆயிரம் மதிப்புள்ள ஆட்டை திருடிச் சென்ற மர்ம நபரை போலீசார் தேடி வருகின்றனர். வள்ளியூர் பகுதியைச் சேர்ந்தவர் சுடலைகண்ணு மனைவி மணிபாலா (46). இவர் வீட்டிற்கு முன்புறம் உள்ள காலி இடத்தில் 10 ஆடுகளை கட்டி வைத்து வளர்த்து வந்தார். இந்த நிலையில் சம்பவத்தன்று ஆடுகளுக்கு இலை, தழைகளை வைக்கச் சென்ற போது ஒரு ஆடு மாயமானதை கண்டு அறிந்து அதிர்ச்சியடைந்தார். இதுகுறித்து மணிபாலா ரூ.10 ஆயிரம் மதிப்புள்ள தனது ஆட்டை மர்ம நபர்கள் திருடிச் சென்றதாகவும், ஆட்டை மீட்டு நடவடிக்கை எடுக்குமாறும் வள்ளியூர் காவல்நிலையத்தில் புகார் அளித்தார். இதன் அடிப்படையில் போலீசார் வழக்குப்பதிவு செய்து விசாரணை நடத்தி வருகின்றனர்.

The post வள்ளியூரில் ரூ.10 ஆயிரம் மதிப்புள்ள ஆடு திருட்டு appeared first on Dinakaran.