ஜெருசலேம்: வடக்கு காசாவில் இஸ்ரேல் நடத்திய வான்வழி தாக்குதலில் 5 குழந்தைகள் உள்பட 29 பேர் கொல்லப்பட்டனர். பாலஸ்தீனத்தில் காசா பகுதியில் ஆயிரம் நாள்களை கடந்தும் போர் நீடிக்கிறது. வடக்கு காசாவில் மக்கள் அகதிகளாக தங்கியுள்ள முகாம்கள், மருத்துவமனைகள் மீது இஸ்ரேல் ராணுவம் அதிரடி தாக்குதல் நடத்தி வருகிறது. அங்கிருந்து உயிர் பிழைத்த நோயாளிகள் வேறு மருத்துவமனைகளுக்கு மாற்றப்பட்டுள்ளனர்.

இந்நிலையில் வடக்கு காசாவில் கடைசியாக எஞ்சியிருந்த ஒரேயொரு மருத்துவமனை மீது இஸ்ரேல் தாக்குதல் நடத்தி உள்ளது. பெய்ட் லாஹியா பகுதியில் செயல்பட்டு வரும் கமல் அத்வான் மருத்துவமனை மீது நேற்று முன்தினம் இஸ்ரேல் ராணுவம் வான்வழி தாக்குதல் நடத்தியது. இதில் சிகிச்சை பெற்று வந்த 5 குழந்தைகள், 5 பெண்கள் மற்றும் 4 மருத்துவமனை ஊழியர்கள் உள்பட 29 பேர் கொல்லப்பட்டு விட்டனர்.

The post 1000 நாள்களை கடந்து நீடிக்கும் போர் காசாவில் மருத்துவமனை மீது இஸ்ரேல் வான்வழி தாக்குதல்: 5 குழந்தைகள் உள்பட 29 பேர் பலி appeared first on Dinakaran.