திருவாரூர்: பைக்குகளில் வந்து ஆடு திருடிய 4 பேரை போலீசார் கைது செய்தனர். திருவாரூர் மாவட்டம் திருத்துறைப்பூண்டி அருகே மேலமருதூரை சேர்ந்தவர் சூர்யா. இவர் ஆடு வளர்த்து வருகிறார். நேற்று மாலை மேய்ச்சலுக்கு விடப்பட்ட ஆடு ஒன்று சாலையோரமாக நின்றது. அப்போது 2 பைக்குகளில் வந்த 4 பேர், ஆட்டை திருடி சென்றனர். இதை பார்த்த சூர்யாவின் தம்பி கண்ணன்(38), மர்மநபர்களை விரட்டி சென்றார். மேலும் துளசியாப்பட்டினம் பகுதியில் உள்ள சிலரை செல்போனில் தொடர்பு கொண்டு பைக்குகளில் ஆடு திருடி கொண்டு 4 பேர் அந்த வழியாக செல்வதாக கூறினார்.

இதையடுத்து பொதுமக்கள் விரைந்து செயல்பட்டு துளசியாபட்டினம் பெருமாள் கோவில் அருகே சென்ற 4 பேரையும் பிடித்து திருத்துறைப்பூண்டி போலீசில் ஒப்படைத்தனர். இதுகுறித்து கண்ணன் அளித்த புகாரின்பேரில் போலீசார் நடத்திய விசாரணையில், அவரம்கள் நாகையை சேர்ந்த வைரமூர்த்தி(40), கார்த்திக்கேயன்(34), செந்தில்குமார்(39), பாலகுமார்(30) என்பது தெரியவந்தது. இதையடுத்து 4 பேரையும் கைது செய்து, 2 பைக்குகளையும் போலீசார் பறிமுதல் செய்தனர்.

The post பைக்குகளில் வந்து ஆடு திருடிய 4 பேர் கைது appeared first on Dinakaran.