பரமத்திவேலூர், நவ.16: பரமத்திவேலூர் தாலுகா, ஜேடர்பாளையம் அருகே உள்ள பெருச்சாகவுண்டம்பாளையம்‌‌ பகுதியைச் சேர்ந்தவர்‌ பழனியப்பன். இவரது மனைவி சிவகாமி(55). இவர், கடந்த 9ம் தேதி காலை வழக்கம்போல் தோட்டத்திற்கு சென்று விட்டு, மாலை வீடு திரும்பினார். அப்போது, வீட்டின் பூட்டு உடைக்கப்பட்டிருப்பதை கண்டு திடுக்கிட்டார். உள்ளே சென்று பார்த்தபோது பீரோ திறந்து கிடந்தது. அதில், வைத்திருந்த பணம் திருடப்பட்டிருந்தது. இதுகுறித்த புகாரின்பேரில், ஜேடர்பாளையம் போலீசார் வழக்குப்பதிந்து விசாரித்து வந்தனர். இந்நிலையில், ஜேடர்பாளையம் பகுதியில் போலீசார் வாகன சோதனையில் ஈடுபட்டிருந்த போது அவ்வழியாக சந்தேகத்திற்கிடமாக வந்த ஒருவரை‌ பிடித்து விசாரித்தனர். இதில், அவர் பெருச்சாகவுண்டம்பாளையத்தைச் சேர்ந்த குமரிமுத்து(எ) சின்னுசாமி(52) என்பதும், சிவகாமி வீட்டின் பூட்டை உடைத்து பணத்தை திருடியதும் தெரியவந்தது. அவரை போலீசார் கைது செய்து விசாரித்து வருகின்றனர்.

The post வீட்டின் பூட்டை உடைத்து திருடியவர் கைது appeared first on Dinakaran.