இதுகுறித்து, தொழில்துறை அமைச்சர் டி.ஆர்.பி.ராஜா வெளியிட்ட டிவிட்டர் பதிவு:
மருத்துவ தொழில்நுட்ப துறையில் ஒரு முக்கிய கூட்டாண்மையாக லூப்ரிசால் மற்றும் பாலிஹோஸ் நிறுவனங்கள் இடையே புரிந்துணர்வு ஒப்பந்தத்தில் கையெழுத்திட்டதில் மகிழ்ச்சி அடைகிறேன். இந்த கூட்டாண்மை, சுமார் ₹200 கோடி முதலீட்டில், நரம்புவழி வடிகுழாய்கள், ஹீமோடையாலிசிஸ் குழாய்கள், மத்திய நரம்பு வடிகுழாய்கள், சிறுநீர்க்குழாய் ஸ்டெண்டுகள், மூளைத் தூண்டுதல் உள்ளிட்டவற்றை உள்ளடக்கிய நரம்பியல் மற்றும் இதய சிகிச்சைகள் போன்ற முக்கியமான பயன்பாடுகளில் பயன்படுத்தப்படும் உயர்தர மருத்துவக் குழாய்களை உருவாக்கும்.
இத்தகைய கூட்டாண்மைகள் தமிழ்நாட்டை மருத்துவ தொழில்நுட்ப உபகரணங்கள் தயாரிப்பில் வலிமையான மையமாக திகழும். மேலும் மின்னணுவியல், பொறியியல் மற்றும் சுகாதாரம் ஆகிய துறைகளில் நமது பலத்தை பிரதிபலிக்கும். முதல்வர் மு.க.ஸ்டாலின் தலைமையில், புதுமைகளை ஊக்குவிக்கும் மற்றும் உயர்தர வேலை வாய்ப்புகளை உருவாக்கும் உயர் மதிப்பு ஒத்துழைப்புகளை வளர்ப்பதில் நாங்கள் உறுதிபூண்டுள்ளோம்.
The post ரூ.200 கோடியில் மருத்துவ தொழில்நுட்ப உபகரணங்கள் தயாரிக்க ஒப்பந்தம்: டி.ஆர்.பி.ராஜா டிவிட் appeared first on Dinakaran.