மதுராந்தகம்: செங்கல்பட்டு மாவட்டம் எலப்பாக்கத்தை சேர்ந்த மாணவர்கள் அபிஷேக், கிஷோர் மற்றும் ரோகித். இவர்கள், மூவரும் அச்சிறுப்பாக்கம் அரசு மேல்நிலை பள்ளியில் பதினோராம் வகுப்பு படித்து வருகின்றனர்.
இந்நிலையில் நேற்று மாலை பள்ளி முடிந்து வீட்டிற் செல்வதற்காக அச்சிறுப்பாக்கம் பேருந்து நிலையத்தில் காத்திருந்தனர். அப்போது, எலப்பாக்கம் பகுதிக்கு மின் கம்பங்களை ஏற்றிச் சென்ற டிராக்டரில் லிப்ட் கேட்டு பயணம் செய்துள்ளனர். அச்சிறுப்பாக்கம் அருகே சாலையோரம் முள் புதரில் நிலைத்தடுமாறி கவிழ்ந்தது. இதில், டிரைவர் அசோக்குமார், கிஷோர், ரோகித், அபிஷேக் உள்ளிட்ட மூன்று மாணவர்கள் டிராக்டர் அடியில் சிக்கி பலத்த காயமடைந்தனர். அதில், அபிஷேக் (15) மாணவன் மட்டும் பலத்த காயம் காயம் ஏற்பட்டது. மேலும் 2 மாணவர்கள் காயங்களுடன் செங்கல்பட்டு அரசு மருத்துவமனையில் சிகிச்சைக்காக அனுமதிக்கப்பட்ட நிலையில் அபிஷேக் சிகிச்சை பலனின்றி உயிரிழந்துள்ளார்.

The post லிப்ட் கேட்டு சென்றபோது சோகம் டிராக்டர் கவிழ்ந்து மாணவன் பலி appeared first on Dinakaran.