காவேரிப்பட்டணம், ஜூன் 16: காவேரிப்பட்டணம் பஸ் ஸ்டாண்ட் முன், மார்க்சிஸ்ட் கம்யூனிஸ்ட் கட்சி சார்பில் ஆர்ப்பாட்டம் நடைபெற்றது. மாவட்ட குழு உறுப்பினர் சக்தி தலைமை வகித்தார். சாதி மறுப்பு திருமணம் விவகாரத்தில் மார்க்கிஸ்ட் கம்யூனிஸ்ட் கட்சியின் திருநெல்வேலி மாவட்ட குழு அலுவலகம் சூறையாடப்பட்டதை கண்டித்தும், தாக்குதலில் ஈடுபட்ட ஆதிக்க சக்திகள் மீது கடுமையான சட்டப்பூர்வ நடவடிக்கை எடுக்க வலியுறுத்தியும் இப்போராட்டம் நடைபெற்றது. இதில் வட்டக்குழு உறுப்பினர் ராமசாமி, போச்சம்பள்ளி வட்ட செயலாளர் சாமு, கட்டுமான சங்கம் மதன் உள்ளிட்ட கட்சி நிர்வாகிகள் கலந்து கொண்டனர்.

The post மார்க்சிஸ்ட் கம்யூ., ஆர்ப்பாட்டம் appeared first on Dinakaran.