சேலம், ஜூன் 9: தமிழ்நாடு காவல்துறையில் பணியில் சேர்ந்து 25 ஆண்டுகளில் எந்தவிதமான பிரச்னைகளுமின்றி பணியாற்றியவர்களுக்கு சிறப்பு எஸ்ஐ பதவி உயர்வு வழங்கப்பட்டு வருகிறது. அதன்படி சேலம் மாநகரில் 25ஆண்டுகள் பணி முடித்த 51 பேருக்கு எஸ்எஸ்ஐயாக பதவி உயர்வு வழங்கி கமிஷனர் விஜயகுமாரி நேற்று உத்தரவிட்டுள்ளார். கடந்த 1ம் தேதியே பதவி உயர்வு அறிவித்து இருக்க வேண்டும். ஆனால் நாடாளுமன்ற தேர்தல் முடிவுகள் 4ம் தேதி அறிவிக்கப்பட்டதால் ஒரு வாரம் கழித்து நேற்று பதவி உயர்வு தொடர்பாக அறிவிக்கப்பட்டுள்ளது. இதனால் போலீசார் மகிழ்ச்சியடைந்துள்ளனர். இவர்களுக்கு ₹3ஆயிரம் வரை கூடுதலாக சம்பளம் கிடைக்கும்.

The post மாநகரில் 51 ஏட்டுகளுக்கு எஸ்.எஸ்.ஐ.,யாக பதவி உயர்வு appeared first on Dinakaran.