* டெல்லிக்கு எதிரான 16வது லீக் ஆட்டத்தில் கொல்கத்தா 106ரன் வித்தியாசத்தில் அபார வெற்றியை ருசித்தது. அதே ெகால்கத்தா 36வது லீக் ஆட்டத்தில் 1ரன் வித்தியாசத்தில் பெங்களூரிடம் வெற்றியை கைப்பற்றியது. கூடவே 46வது லீக் ஆட்டத்தில் ஐதராபாத் 1ரன் வித்தியாசத்தில் கொல்கத்தாவை வென்றது.
* ஐதராபாத் அணி 57வது லீக் ஆட்டத்தில் லக்னோவை 10 விக்கெட் வீழ்த்தி அபார வெற்றியை வசப்படுத்தியது. எதிரணி வசைப்பாடலுக்கு உள்ளானது.
8 ஒரு ஆட்டத்தில் வென்றாலே பிளே ஆப் உறுதி என்ற நிலையில், ராஜஸ்தான் தொடர்ந்து 3 ஆட்டங்களில் ஹாட்ரிக் தோல்வி என ஆச்சர்யப்படுத்துகிறது. கூடவே சென்னைக்கு எதிரான தோல்வி கடும் விமர்சனங்களை ஏற்படுத்தி வருகிறது.
* ராஜஸ்தானைப் போலவே, குஜராத், மும்பை அணியும் தலா ஒரு ஹாட்ரிக் தோல்வியை சந்தித்துள்ளன. கூடவே மும்பை, பஞ்சாப் தொடர்ந்து தலா 4 தோல்விகளை கண்டுள்ளன. மொத்ததில் ‘டபுள் ஹாட்ரிக்’ தோல்விகளை கண்ட ஒரே அணியாக பெங்களூர் இருக்கிறது. அந்த அணி தொடர்ந்து 6 ஆட்டங்களில் தோல்வியை பார்த்திருக்கிறது.
* அதே நேரத்தில் தெடர்ந்து அதிக வெற்றிகளை ருசித்த அணியாக பெங்களூர் அணி இருக்கிறது. அந்த அணி இப்போது தொடர்ந்து 5 வெற்றிகளை வசப்படுத்திய அணியாக உள்ளது. மேலும் ராஜஸ்தான் தலா 2 முறையும், கொல்கத்தா, ஐதராபாத் தலா ஒருமுறையும் 4வெற்றிகளை கைப்பற்றி உள்ளன. தலா ஒரு ஹாட்ரிக் வெற்றி பெற்ற அணிகளாக கொல்கத்தா, லக்னோ ஆகியவை உள்ளன.
* தொடர்ந்து 5 வெற்றிகளை(2009, 2011, 2016) பெற்றத் தொடர்களில் எல்லாம் பெங்களூர் இறுதி ஆட்டத்துக்கு முன்னேறி உள்ளது. ஆனால் 2வது இடம்தான ்கிடைத்துள்ளது.
* இந்த தொடரில் அதிக ரன் குவித்த அணிகள் பட்டியலில் ஐதராபாத் 277 (மும்பை) 272 (பெங்களூர்) ரன் குவித்து முதல் 2 இடங்களில் உள்ளது. கொல்கத்தா 266 (டெல்லி)ரன் குவித்து 3வது இடத்தில் இருக்கிறது.
* அதிக ரன்னை இலக்காக கொண்டு விரட்டி வென்ற அணிகளின் பட்டியலில் பஞ்சாப் முதல் இடத்தில் இருக்கிறது. அந்த அணி கொல்கத்தா அணி நிர்ணயித்த 261ரன்னை 18.4ஓவரிலேயே கடந்து 262 ரன் எடுத்தது. கூடவே 8 விக்கெட் வித்தியாசத்திலும் அபார வெற்றியை பதம் பார்த்தது. மற்றொரு ஆட்டத்தில் ஐதராபாத் குவித்த 287 ரன்னை விரட்டிய பெங்களூர் அணியும் 262 ரன் விளாசி, 25ரன் வித்தியாசத்தில் தோற்றது.
* அணியில் வீரர் ஒருவர் சதம் விளாசியும் அவரது அணி தோற்ற சம்பவங்கள் ஐபிஎல் தொடரில் பலமுறை நடந்துள்ளன. இந்த தொடரில் சென்னை அணியின் கேப்டன் ருதுராஜ் சதம் விளாசியும், லக்னோ அணியிடம் தோற்றது.
ஐபிஎல் தொடர்களில் கோஹ்லி 3 முறையும், ஹாசிம் அம்லா, சஞ்சு சாம்சன், ருதுராஜ் ஆகியோர் தலா 2 முறை சதம் விளாசியும் அவர்களது அணிகள் தோல்வியைதான் சநதித்துள்ளன. அதிலும் ருதுராஜ் இதுவரை சதம் விளாசிய 2 ஆட்டங்களிலும் சென்னை தோற்றது.
The post ஐபிஎல் தொடரின் வெற்றி தோல்வி கணக்கு appeared first on Dinakaran.