மன்னார்குடி, ஏப். 2: மன்னார்குடி தொகுதி திமுக வேட்பாளர் டிஆர்பி ராஜா பரவாக்கோட்டை ஊராட்சியில் இருந்து பிரசாரத்தை துவக்கினார். தொடர்ந்து, நீடாமங்கலம் ஒன்றியத்திலுள்ள பூவனூர், பெரம்பூர், ரிஷியூர், அனுமந்தபுரம், ஒளிமதி உள்ளிட்ட ஊராட்சிகளிலும், பேரூராட்சி வார்டுகளிலும் வேட்பாளர் டிஆர்பி ராஜா பிரசாரம் மேற்கொண்டு மு.க.ஸ்டாலின் தலைமையில் நல்லாட்சி அமைய உதயசூரியன் சின்னத்திற்கு வாக்களிக்க வேண்டுமாறு கேட்டுக்கொண்டார்.அப்போது, டிஆர்பி ராஜா பேசுகையில், பரவாக்கோட்டையில் கால்நடை மருத்துவமனை, அங்கன்வாடி கட்டிடங்கள், சாலை பணி உள்பட ரூ.72 லட்சத்திற்கு மேல் எம்எல்ஏ நிதியிலிருந்து பணி நடந்துள்ளது. செங்குளம் சாலையை சீரமைக்க ரூ.13.77 லட்சம் நிதி ஒதுக்கப்பட்டுள்ளது.