காரைக்குடி, மார்ச் 31: காரைக்குடி தொகுதி காங்கிரஸ் வேட்பாளர் மாங்குடி, நேற்று சாக்கோட்டை ஒன்றியம் வலையன்வயல், புதுக்கண்டனூர், சின்ன வேங்காவயல் உள்பட பல்வேறு பகுதிகளில் வாக்கு சேகரித்தார். அப்ேபாது அவர் பேசுகையில், ‘‘கண்மாய் தண்ணீரைத்தான் நம்பி நீங்கள் விவசாயம் செய்து வருகிறீர்கள். விளைநிலங்களுக்கு ஒரு மணி நேரத்துக்கு தண்ணீர் பாய்ச்ச போர்வெல் உள்ளவர்களிடம் இருந்து ரூ.300க்கு மேல் செலவு செய்கிறீர்கள். எனவே வறட்சிகாலங்களில் விவசாயத்திற்கு தண்ணீர் தேவைக்கான போர்வெல் அமைத்து தர நிச்சயம் நடவடிக்கை எடுப்பேன். இப்பகுதியில் விளையும் காய்கறி பயிர்களை காக்கவும், பூச்சி மற்றும் நோய் தாக்குதலில் இருந்து காக்கவும் விவசாய அதிகாரிகளை கொண்ட குழு அமைக்கப்பட்டு உரிய ஆலோசனை வழங்கப்படும். மக்களின் தேவைக்கு ஏற்ப அரசு டவுன் பஸ் இயக்க நடவடிக்கை எடுக்கப்படும்.