காரைக்குடி, மார்ச் 25: காரைக்குடி அருகே இலுப்பகுடி ஊராட்சிக்கு உட்பட்ட வடக்கு, தெற்கு குடியிருப்பு, லட்சுமி நகர், மாத்தூர், கண்டனூர் உள்பட பல்வேறு பகுதிகளில் திமுக கூட்டணியில் உள்ள காங்கிரஸ் வேட்பாளர் எஸ்.மாங்குடி வாக்குகள் சேகரித்தார். பின்னர் அவர் பேசுகையில், காரைக்குடியில் மகளிர் கலைக்கல்லூரி, மேம்பாலம், தேவகோட்டை காரைக்குடி சுற்றுவட்ட சாலை, காரைக்குடியை மாநகராட்சியாக்குவது போன்ற அனைத்து திட்டங்களும் நிறைவேற திமுக தலைவர் முதல்வராகவேண்டும்.இங்குள்ள அரிசி சேமிப்பு கிடங்கால் லட்சுமி நகர் பகுதி மக்களுக்கு பல்வேறு பிரச்னை வருவதாக புகார் தெரிவித்துள்ளீர்கள். அது சரி செய்யக்கூடிய பிரச்னைதான். மக்களுக்கு இடையூறாக உள்ள எதையும் மாற்ற முடியும். திமுக தலைமையிலான அரசு அமைந்ததும் இதனை சரி செய்வேன் எனது உறுதியளிக்கிறேன்.