இஸ்லாமாபாத்: அமெரிக்காவும் ஈரானும் இந்த வாரம் அமைதி ஒப்பந்தத்தில் கையெழுத்திட்டன. இதன் விளைவாக, ஹார்முஸ் ஜலசந்தி மீண்டும் திறக்கப்பட்டு, மேற்கு ஆசியாவில் அமைதியை மீட்டெடுப்பதை நோக்கமாகக் கொண்ட பேச்சுவார்த்தைகள் தொடங்கியுள்ளன. இந்தப் பேச்சுவார்த்தைகளில் முக்கிய மத்தியஸ்தராகப் பணியாற்றிய பாகிஸ்தான் உத்தரவாதமளிப்பவராகவும் இந்த ஒப்பந்தத்தில் கையெழுத்திட்டுள்ளது.

இந்த நிலையில், பாகிஸ்தான் உள்நாட்டு பாதுகாப்பு அமைச்சர் மோசின் நக்வி நேற்று திடீரென ஈரானுக்கு சென்றார். ஈரானில் உள்ள மஷாத் என்ற இடத்துக்கு அவர் வந்து சேர்ந்தார். ஈரானிய அதிகாரிகளை சந்திப்பதற்காக அவர் அங்கிருந்து தெஹ்ரானுக்கு புறப்பட்டு சென்றார் என தகவல்கள் தெரிவிக்கின்றன.
நக்வியின் பயணம் குறித்து பாகிஸ்தான் தரப்பில் இருந்து அதிகாரப்பூர்வ அறிவிப்பு எதுவும் வெளியாகவில்லை. இருப்பினும், வாஷிங்டனுக்கும் தெஹ்ரானுக்கும் இடையே நடைபெறவுள்ள தொழில்நுட்ப அளவிலான பேச்சுவார்த்தைகள் குறித்து அவர் விவாதிப்பார் என நம்பப்படுகிறது.