கொல்கத்தா: மேற்கு வங்க சட்டப்பேரவை தேர்தலில் மொத்தம் 2926 வேட்பாளர்கள் போட்டியிடுகிறார்கள். மேற்குவங்க சட்டப்பேரவைக்கு ஏப்.23 மற்றும் ஏப்.29 என இரண்டு கட்டமாக தேர்தல் நடக்கிறது. இதில் முதற்கட்டமாக ஏப்.23ல் நடக்கும் தேர்தலில் மொத்தம் 152 தொகுதிகளில் வாக்குப்பதிவு நடக்கிறது. இந்த 152 தொகுதிகளில் 1,478 வேட்பாளர்கள் போட்டியிடுகின்றனர்;
அதேவேளையில், இரண்டாம் கட்டமாகத் தேர்தல் நடைபெறும் 142 தொகுதிகளில் 1,448 வேட்பாளர்கள் களத்தில் உள்ளனர். இரண்டாம் கட்டத் தேர்தலுக்கான வேட்புமனுத் தாக்கல் செய்ய ஏப்ரல் 9 கடைசி நாளாக இருந்தது; வேட்புமனுக்கள் ஏப்ரல் 10 அன்று பரிசீலனை செய்யப்பட்டன, மேலும் ஏப்ரல் 13 வரை வேட்புமனுக்களைத் திரும்பப் பெற அனுமதி வழங்கப்பட்டது. இறுதியில் இரண்டு கட்ட தேர்தலிலும் சேர்த்து மொத்தம் 2926 வேட்பாளர்கள் களத்தில் உள்ளனர்.
