பட்டுக்கோட்டை, பிப்.12: பட்டுக்கோட்டை அடுத்த பாலத்தளி கிராமத்தில் 32வது சாலை பாதுகாப்பு மாதம் கடைபிடிக்கப்பட்டது. சாலை பாதுகாப்பின் முக்கியத்துவத்தை வலியுறுத்தி பேருந்துக்குள் தமிழ்நாடு அரசு போக்குவரத்து கழகம் சார்பில் சாலை விதிகளின் வரைபடங்களும் அமைக்கப்பட்டுள்ளது. அதோடு மட்டுமல்லாமல் அந்த பேருந்தின் பின்புறம் அனைவரும் பார்க்கும் வண்ணம் தொலைக்காட்சி பெட்டி ஒன்றும் வைக்கப்பட்டுள்ளது. இந்த பேருந்து கிராமம், கிராமமாக சென்று பொதுமக்களிடம் சாலை பாதுகாப்பின் முக்கியத்துவத்தை வலியுறுத்தி வருகின்றது. முதலில் பட்டுக்கோட்டை அடுத்த உதயசூரியபுரம் கடைத்தெருவிற்கு சென்ற அந்த பேருந்தை பொதுமக்கள் அனைவரும் பார்வையிட்டனர். பாலத்தளி கிராமத்தில் அரசு பேருந்தில் 100 நாள் வேலை செய்யும் பெண்கள் ஏறினர். அவர்கள் சாலை பாதுகாப்பு வரை படங்களையும், விதிகளையும் பார்த்து விபரம் தெரிந்து கொண்டனர்.