காரைக்குடி, டிச.7: காரைக்குடி ராமனாதன் செட்டியார் பள்ளிக்கு கூடுதல் வகுப்பறை கட்டிடம் மற்றும் விளையாட்டு திடல் அமைக்க கலெக்டர் உத்தரவிட்டுள்ளார். காரைக்குடி நகராட்சி பகுதிகளில் நடந்து வரும் வளர்ச்சி பணிகள் மற்றும் வளர்ச்சி திட்ட பணிகளை கலெக்டர் மதுசூதன் ரெட்டி பார்வையிட்டு ஆய்வு செய்தார். சம்பை ஊற்று, ரஸ்தா உரக்கிடங்கு, தேவகோட்டை குப்பை கொட்டும் இடம், துப்புரவு பணியாளர்கள் குடியிருப்பு கட்டுமானம் உள்பட பல்வேறு பணிகளை பார்வையிட்டார். ராமனாதன் செட்டியார் பள்ளியில் நடந்து வரும் கூடுதல் வகுப்பறை கட்டிடங்களை ஆய்வு செய்தார்.