புழல்: புழல் ஏரி உபரிநீர் கால்வாய் கரை உடைத்து மண் திருடிய 4 வாகனங்கள் பறிமுதல் செய்யப்பட்டது. புழல் ஒன்றியம் விளாங்காடுபாக்கம் கிராமத்தில் கடந்த திமுக ஆட்சியின்போது 2008ம் ஆண்டு மே மாதம் 15ம் தேதி ஆரம்ப சுகாதார நிலையம் உருவாக்கப்பட்டது. இதை அப்போது அமைச்சராக இருந்த கேபிபி.சாமி துவக்கி வைத்தார். ஆனால் போதிய இட வசதி இல்லாததால் அங்குள்ள சமுதாய கூடத்தில் இன்றுவரை சுகாதார நிலையம் செயல்பட்டு வருகிறது.
இதற்கு சொந்த கட்டிடம் கட்ட வேண்டும் என பொதுமக்கள் நீண்ட காலமாக வலியுறுத்தி வந்தனர். இந்நிலையில் விளாங்காடுபாக்கம் கல்மேடு அருகில் பொதுப்பணித்துறை சார்பில், சுகாதார நிலையத்துக்காக ₹67 லட்சம் மதிப்பீட்டில் புதிய கட்டிடம் கட்டும் பணி நடைபெற்று வருகிறது.