பெருந்துறை, மே 14: பெருந்துறை வேளாண்மை உற்பத்தியாளர்கள் கூட்டுறவு சங்கத்தில் ரூ.2.10 கோடிக்கு கொப்பரை தேங்காய்கள் ஏலம் போனது.‌
பெருந்துறை வேளாண்மை உற்பத்தியாளர்கள் கூட்டுறவு சங்கத்தில் நேற்று கொப்பரைகள் ஏலம் நடைபெற்றது. ஏலத்திற்கு 1760 முதல் தர மூட்டைகள் விற்பனைக்கு வந்தன. இதில், கிலோ ஒன்றுக்கு குறைந்தபட்ச விலையாக ரூ.138.39க்கும், அதிகபட்ச விலையாக ரூ.146க்கும், சராசரி விலையாக ரூ.144.55க்கும் விற்பனை ஆனது.
அதேபோல், 1867 இரண்டாம் தர மூட்டைகள் விற்பனைக்கு வந்தன. இதில், குறைந்தபட்ச விலையாக ரூ.20.99க்கும், அதிகபட்ச விலையாக ரூ.140.99க்கும், சராசரி விலையாக ரூ.133.20க்கும் விற்பனை ஆனது.
முதல் தரம் மற்றும் இரண்டாம் தரம் என 3627 மூட்டைகளை கொண்ட 1 லட்சத்து 50 ஆயிரம் எடையுள்ள கொப்பரைகள் மொத்தம் ரூ.2 கோடியே 10 லட்சத்துக்கு விற்பனை நடைபெற்றது.