ஊட்டி, நவ. 23: தமிழ்நாடு அரசு அனைத்து துறை ஓய்வூதியர் சங்க குன்னூர் வட்ட கிளை பேரவை கூட்டம் நேற்று குன்னூரில் நடந்தது. தலைவர் ராமன்குட்டி தலைமை வகித்தார். மாவட்ட தலைவர் சஞ்சீவ் முன்னிலை வகித்தார். சங்க செயலாளர் ஜெயலட்சுமி ஆண்டறிக்கையும், பொருளாளர் சின்னம்மா நிதிநிலை அறிக்கையும் வாசித்தனர். தொடர்ந்து சங்கத்தின் புதிய துணை தலைவர்கள் தேர்வு செய்யப்பட்டனர்.