ஆலங்குளம், நவ. 10: ஆலங்குளத்தை அடுத்த நெட்டூர், சுப்பையாபுரம் கிராமங்களைச் சேர்ந்த விவசாயிகளுக்கு சொந்தமான நூற்றுக்கணக்கான ஏக்கர் நிலங்களை தனியாருக்கு சொந்தமான சோலார் கம்பெனிகள் அத்துமீறி வளைத்துள்ளனர். இதனால் பாதிக்கப்பட்ட விவசாயிகள் விவசாயம் செய்ய முடியாத சூழ்நிலை ஏற்பட்டுள்ளது. இதுகுறித்து பலமுறை விவசாயிகள் காவல்துறைக்கும், வருவாய்த்துறையினருக்கும் மனு கொடுத்தும் இரண்டு துறையினரும் அலைக்கழித்து வருகின்றனர். இந்நிலையில் பாதிக்கப்பட்ட 35க்கும் மேற்பட்ட விவசாயிகள் அருணாசலபேரியை சேர்ந்த கோவிந்தசாமி தலைமையில் நெட்டூர் ஆறுமுகம், சுப்பையாபுரம் அருள்தாஸ், கிருஷ்ணன் மற்றும் விவசாயிகள் நேற்று ஆலங்குளம் தாலுகா அலுவலகத்தை முற்றுகையிட்டனர்.