பேராவூரணி, ஜன. 29: பேராவூரணி அரசு மருத்துவமனை வளாகத்தில் சித்த மருத்துவ பிரிவுக்கான புதிய கட்டிடம் ரூ.15 லட்சம் மதிப்பில் கட்டுவதற்கான அடிக்கல் நாட்டு விழா நடந்தது. பேராவூரணி அரசு மருத்துவமனையில் சித்த மருத்துவப்பிரிவு குறுகிய அறையில் செயல்பட்டு வருவதால் நோயாளிகள் போதிய வசதியின்றி சிரமப்பட்டனர். இதையடுத்து விரிவான புதிய கட்டிடம் கட்டித்தர நடவடிக்கை எடுக்க வேண்டுமென எம்எல்ஏ கோவிந்தராசுவிடம் பொதுமக்கள் கோரிக்கை விடுத்திருந்தனர். இதுகுறித்து சுகாதாரத்துறை அமைச்சர் விஜயபாஸ்கரை சந்தித்து சித்த மருத்துவ பிரிவுக்கென புதிய கட்டிடம் கட்டித்தர வேண்டுமென எம்எல்ஏ கோவிந்தராசு வலியுறுத்தினார்.