இளம்பிள்ளை, டிச.12: வேம்படிதாளம் ரயில்வே தரைவழிப்பாலத்தை இருவழிப்பாதையாக மாற்ற வேண்டும் என வாகன ஓட்டிகள் கோரிக்கை விடுத்துள்ளனர். காகாபாளையம்-இளம்பிள்ளை சாலையில் வேம்படிதாளத்தில் தரைவழி மேம்பாலம் உள்ளது. இந்த பாலத்தின் அடியில் 2 வழிகளில் ஒருவழிப் பாதையில் மட்டும் வாகனங்களும் சென்று வருகின்றன. மற்றொரு பாதையில் சாக்கடை கழிவுநீர் சென்று வருவதால், இந்த இருவழி பாதை ஒருவழி பாதையாக செயல்பட்டு வருகிறது. இவ்வழியானது இளம்பிள்ளை, பெருமாகவுண்டம்பட்டி, நடுவனேரி, வேம்படிதாளம், காகாபாளையம், ஆட்டையாம்பட்டி, ராசிபுரம், சின்னப்பம்பட்டி, மேட்டூர் உள்ளிட்ட பகுதிகளுக்கு செல்ல பிரதான சாலையாக இருந்து வருகிறது. இந்நிலையில், வாகனங்கள் செல்ல ஒரு வழிப்பாதை மட்டும் செயல்பட்டு வருவதால் அடிக்கடி விபத்துக்கள் ஏற்படுகிறது.