திருப்போரூர், அக். 17: திருப்பேரூர் ஒன்றியத்தில் வாக்குச்சாவடிகள் எண்ணிக்கை அதிகரிக்கப்பட்டுள்ளன.திருப்போரூர் சட்டமன்ற தொகுதியில் கடந்த மக்களவை தேர்தலின்போது 237 வாக்குச்சாவடிகள் இருந்தன. சமீபத்தில் உள்ளாட்சி தேர்தலை நடத்துவதற்காக வார்டு வரையறை செய்யும் பணி நடந்தது. அப்போது, பொதுமக்களிடம் இருந்து தங்களது வீடுகள் அமைந்துள்ள பகுதிக்கும், வாக்குச்சாவடி மையத்துக்கு அதிக தூரம் இருப்பதால் தங்கள் பகுதியை ஒட்டியுள்ள பள்ளியில் வாக்குச்சாவடி மையம் உருவாக்க வேண்டும் என கோரிக்கை எழுந்தது. இவ்வாறு அளிக்கப்பட்ட கோரிக்கைகளில் தகுதியானவை ஏற்கப்பட்டன.இயைடுத்து, கூடுதல் வாக்குச்சாவடிகள் உருவாக்கப்பட்டு, அதனை இணைத்து தற்போது புதிய வாக்காளர் பட்டியல் வெளியிடப்பட்டுள்ளது. இதன்படி, ஏற்கனவே, திருப்போரூர் சட்டமன்ற தொகுதியில் இருந்த 237 வாக்குச்சாவடிகள் தற்போது, 252 ஆக அதிகரிக்கப்பட்டுள்ளது.