பொன்னமராவதி. அக்.4: பொன்னமராவதி அரசு போக்குவரத்து கழக டிப்போ முன்பு எல்பிஎப், சிஐடியூ, ஏஐடியூசி, டிடிஎஸ்எப், ஏஏஎல்எல்எப், எம்எல்எப் ஆகிய போக்குவரத்து தொழிலாளர்கள் சார்பில் பல்வேறு கோரிக்கைகளை வலியுறுத்தி ஆர்ப்பாட்டம் நடந்தது. எல்பிஎப் கிளைத் தலைவர் அடைக்கலம் தலைமை வகித்தார். செயலாளர் முத்தையா முன்னிலை வகித்தார். ஆர்ப்பாட்டத்தில் சிஐடியூ பொதுச்செயலாளர் பாலசுப்பிரமணியன், ஏஐடியூசி ராஜேந்திரன், பணியாளர் சங்க ராஜசேகர், விடுதலை சிறுத்தைகள் கட்சி நாகராஜன், சிஐடியூ கிளைச்செயலாளர் கண்ணன், ஓய்வு பெற்ற நிர்வாகிகள் சிவஞானம். சின்னச்சாமி. தங்கமணி ஆகியோர் பேசினர்.