சூலூர்,மே17:சூலூரில் இன்று நடைபெறுவதாக இருந்த கமல் பிரசாரத்திற்கு தடை விதிக்கப்பட்டது. தமிழகத்தில் நடைபெறவுள்ள 4 சட்டமன்ற இடைத்தேர்தலுக்கான பிரசாரம் இன்று மாலை 5 மணியுடன் நிறைவு பெறுகிறது. இந்நிலையில் மக்கள் நீதி மய்யம் தலைவர் கமல்ஹாசன் இன்று சூலூரில் பிரசாரம் செய்ய அந்த கட்சியினர் அனுமதி கேட்டிருந்தனர். ஏற்கனவே பிரசாரத்தின் போது கமல் சர்ச்சைக்குரிய வகையில் பேசியதாக புகார்கள் எழுந்துள்ளது. எனவே அவருக்கு சூலூரில் பிரசாரம் செய்ய அனுமதி வழங்கக் கூடாது எனக்கூறி இந்து முண்ணனி பொறுப்பாளர் ராஜ்குமார் என்பவர் சூலூர் தேர்தல் நடத்தும் அலுவலர் பாலகிருஷ்ணனிடம் புகார் அளித்திருந்தார்.